Келесі аптадан бастап мейрамханаларда той жасауға рұқсат берілетін болды. Бүгін денсаулық сақтау министрі Алексей Цой елдегі эпидемиологиялық жағдай тұрақталғанын, соңғы 2 аптада сырқаттанушылық пен өлім-жітім деңгейі 60%-ға төмендегенін айтты. Осыған байланысты ведомствоаралық комиссия 27- қыркүйектен «Ashyq» қосымшасы бойынша "қауіпсіз» мәртебесі бар адамдарға тойға баруға, өзге де көпшілік орындарда болуға рұқсат тетті. 27- қыркүйектен бастап мейрамханаларда той жасауға, спорттық кешендерде жанкүйерлерді жинауға, жұма намазының мешіт ішінде оқылуына, өзге де салатантты шараларды өткізуге рұқсат берілетін болды. Бүгін вице-премьер Ералы Тоғжановтың төрағалығымен өткен COVID-19 таралуына жол бермеу жөніндегі ведомствоаралық комиссия осындай шешім қабылдады. Алайда қызметкерлер мен келушілердің статусы Ashyq-та "қауіпсіз" болуы тиіс. "Жасыл" аймақта тұрған өңірлерде ғимараттың адамдарға толуы 50 , "сары" аймақта 30, "қызыл" аймақта 20%-дан аспауы керек.Сондай-ақ, 16 елмен әуе қатынасын жаңарту және ұлғайту, қолайлы эпидемиологиялық ахуалы және халықты вакциналаудың жоғары деңгейіне жеткен 30 шет мемлекетпен Қазақстан Республикасына кіру үшін визасыз режимді қайта бастауға рұқсат берді. Сондай-ақ, Вице-примьер вакцина алудың қолжетімділігін арттыру мақсатында әкімдіктерге әуежайларда, темір жол вокзалдарында, ірі базарлар мен сауда орындарында талаптарға сәйкес келетін пункттер ұйымдастыруды тапсырды. Қазақстанда пандемия басталғалы алғаш рет той өткізуге рұқсат берілді. Алайда тойханаларға да "Ashyq-та" статусы "қауіпсіз" қонақтар ғана кіргізіледі. Мұнан өзге жаңа қаулыға сай, , таза ауада марафон ұйымдастырып, көрермендердің қатысуымен спорттық шаралар өткізуге болады. Спорттық-сауықтыру орталықтары мен спорт кешендерінің, ойын клубтарының қызметі жанданады.