2-ші қабаттан құлап кеткен 3 жасар баланың жағдайы жақсарып келеді. Оқиға 24-ші шілде күні "Нұрзерек" жеке бақшасында болған. Сол күні жалғыз өзі бірнеше баланы баққан тәрбиеші жұмысынан кеткен. Өзге кінәлілерді жазалау да жеке мекеме құрылтайшысының құзырында. Балабақшаның терезелеріне құлыптар салынған. Терезелердің орналасуы стандартқа сәйкес емес. Типтік балабақшалардың терезелері биік орналасады. Ал, "Нұрзерек" бақшасының терезелері төмен орналасқан, деп отыр қалалық білім бөлімі мамандары. 3 жасар баланың терезе алдына қалай мінгені, қандай жағдайда құлағаны әлі белгісіз. Бөбектің ішкі құрылысына зақым келмеген. Аяқ-қолдарында жарақаттары бар. Бас-миы шайқалған. Оқиға 24-ші шілдеде түс мезгілінде болған. Сол күні 22 баланы бір өзі баққан тәрбиеші жұмыстан кеткен. "Нұрзерек" бақшасы жеке болғандықтан өзге кінәлілерді тауып, жазалау құрылтайшысының құзырында. Терезелерге құлып салынған. Бүгінде қалада жеке бөбекжайлар көптеп салынып жатыр. Тіпті, дайын тұрған ғимараттарды жалға алып, бақша ашып алып отырған кәсіпкерлер бар. Мұндай нысандарда бөбектердің қауіпсіздігі қаншалықты қамтамасыз етілгенін қалалық білім бөлімі тексере алмайды. Ешбір мемлекеттік мекеме тексере алмайды. Бизнеске нұқсан келтірілген болып есептеледі.